1. المدير العام

    المدير العام أدارة موقع أكتب كود

    احنا ممكن نخلي الإجابة أشمل على سؤال: هل الصفحات الموثقة ممكن تتعرض للقرصنة أو "تتهكر" بالبلدي ؟
    الإجابة .. آه طبعًا تتهكر ونص عادي، وبطرق كتير أشهرها الهندسة الإجتماعية واللي من خلالها بيتم سرقة حساب الأدمن اللي شغال عليها بطرق كتير زي ارسال لينكات مضروبة لأي حاجة ليها علاقة بمحتوى البيدج نفسه، فلما يضغط عليها مسؤل البيدج أو صاحبها بياناته بتطير ، وتبقى البيدج مع حد تاني.
    والموضوع ده بالمناسبة بيحصل باستمرار، ولو صفحة موثقة بترجع تاني لما بيبعت صاحبها الأصلي شكوى لفيسبوك .
    بعد ماتدخل على الرابط اللي هانسيبه في التعليقات تحت ، هاتظهرلك بيدج بتطلب منك تقديم جميع الوثائق والمعلومات اللي بتأكد ملكيتك للبيدج .
    وبعدين تكتب جميع البيانات اللي قدمتها لفيسبوك على ورقة وتوقعها ، بعد ما الفيس يفحص الورق اللي بعته هاتتلقى بعد عدة أيام رسلة تأكيد استعادة الصفحة بنجاح لو كنت صاحب البيدج فعلاً.
    نرجع تاني للموضوع اللي حصل من ساعتين واللي مهد ليه الفنان أحمد فهمي بإن حد حاول يبعتله لينك "أمازون" علشان يسرقة البيدج ، وبعدها بنص ساعة اتكتب على صفحته "أنا مش بعيد.. الدور على مين !".
    بعدها أعلنت الفنانة هنا الزاهد، تعرض الصفحة الرسمية لزوجها الفنان أحمد فهمي، للقرصنة من قبل مجهولين.
    اللي حصل عزيزي المتابع في القصة دي غالبا فيلم هندي ودعاية لفيلم "العارف" بتاع أحمد عز وأحمد فهمى مش هكر ولا حاجة . ولو فيه جديد هانقولكم أول بأول لو الموضوع ماكنش دعاية للفيلم .
     
جاري تحميل الصفحة...