1. المدير العام

    المدير العام أدارة موقع أكتب كود

    الشركة اللي شغال فيها خنقتك!!؟ بيخصمولك كتير !!؟ مديرك بيعذبك !؟ بيتأخروا عليك في المرتب!؟
    الحق العرض المقدم من فريق هاكرز lockBit واحصل على عمولة ٨٠٪ من قيمة الفدية
    ساعدتهم أنهم يخترقوا الشركة ونزلت ال Malware بتاعهم على جهازك في الشركة [​IMG]
    دا مش هزار .. دا إعلان بجد عامله فريق هاكرز اسمه LockBit على ال Darkweb بيخاطب فيه كل موظف غلبان مخنوق من شركته أنه يساعدهم وينزل الMalware بتاعهم على جهازه في الشركة عشان يقدروا من خلاله يوصلوا للسيستم بتاع الشركة و يوصلوا لكل البيانات الموجودة ويشفروها، مقابل أنه ياخد نسبة ٨٠٪ من قيمة الفدية اللي هياخدوها من الشركة عشان يفكوا التشفير.
    طب حد هيسأل ويقول ازاي يعني الموظف هياخد ٨٠٪ و الهاكرز ٢٠٪ بس !!؟
    أحب أقولك إن فريق الهاكرز عارف كويس أن مكسبه الحقيقي مش في الفدية، دي بالنسبة ليهم شوية فكة .. وإن المكسب الحقيقي في البيانات اللي هيوصلوا ليها وهيقدروا يبيعوها بأرقام خرافية ولجهات مختلفة ولأجهزة إستخباراتية لو هي معلومات حساسة.
    طب وبالنسبة للموظف ممكن يتكشف!!؟
    الحقيقة إن صعب جداً يتم إثبات الجريمة لأنه سهل جداً يقولهم أنه معندوش خبرة أمنية كافية وفتح الإيميل اللي جاله فيه ال Malware من غير ما يقصد.. إلا في حالة لو وصلوا لما يثبت انه تواصل مع فريق الهاكرز وأثبتوا تعاونه معاهم في الحالة دي هيلاقي نفسه في السجن.
    طب السؤال اللي مهم نسأله هنا وهو هل لو عملت كده في الشركة اللي شغال فيها هنا في مصر وحبيت أنتقم منهم ممكن أتحبس!!؟
    طبعاً لو عملت كده وتم إثبات تعاونك مع الهاكرز هتعتبر شريك معاهم في الجريمة وفقاً للمادة ٤٠ من قانون العقوبات المصري، وهتاخد نفس العقوبة المقررة للهاكرز كفاعل أصلي، لأن الفعل اللي حضرتك ساعدتهم فيه مجرم بموجب قانون مكافحة جرائم تقنية المعلومات رقم ١٧٥ لسنة ٢٠١٨.

    [​IMG]
     
  2. المدير العام

    المدير العام أدارة موقع أكتب كود

جاري تحميل الصفحة...
المشاركات المتشابهة - أقوى عرض مقدم
  1. المدير العام
    الردود:
    0
    المشاهدات:
    702
  2. المدير العام
    الردود:
    0
    المشاهدات:
    143
  3. المدير العام
    الردود:
    0
    المشاهدات:
    427
  4. المدير العام
    الردود:
    0
    المشاهدات:
    198
  5. المدير العام
    الردود:
    0
    المشاهدات:
    387